مشاكل التسجيل الرجاء مراسلة info@abusaleem.net - khakha22@hotmail.com الاخوة الزوار لمعرفة طريقة التسجيل بالمنتدى نرجو قراءة آخر قسم في المنتدى (اعلانات وتنويهات)

التميز خلال 24 ساعة
العضو المميز الموضوع المميز المشرف المميز
قريبا
بقلم :
قريبا
 
الانتقال للخلف   منتديات ابوسليم وسركيمتو > المنتديات الثقافية والفنية والأدبية > منتدى الشعر والشعراء > منتدى الشعر العامي والحلمنتيش
 

 
الإهداءات
 

 
اخر المواضيع          مجلس وهيرة 5 (اخر مشاركة : أم حبيبة - عددالردود : 95 - عددالزوار : 708 )           »          نجوم السينما الهنديه مع غزة (اخر مشاركة : ابوسارة - عددالردود : 0 - عددالزوار : 18 )           »          فتاتان تسرقان سيارة وهربتا وتم القبض عليهن (اخر مشاركة : ابوسارة - عددالردود : 0 - عددالزوار : 18 )           »          زوجة تلجأ للشرطة من ضرب زوجها (اخر مشاركة : ابوسارة - عددالردود : 0 - عددالزوار : 14 )           »          عشاق الحور ..تخيلوا لو اتتهم الفرصة لحكم العالم .. (اخر مشاركة : عوض سالي - عددالردود : 228 - عددالزوار : 4818 )           »          مدرسة فركة الاولية -- ارهاصات تجول في الخاطر (اخر مشاركة : ابوسارة - عددالردود : 14 - عددالزوار : 964 )           »          لاتدخل البوست والا حزنت (اخر مشاركة : ابوسارة - عددالردود : 889 - عددالزوار : 4323 )           »          أهلا وسهلا :مــــراحب يا الممؤلف (اخر مشاركة : سيد حسنتو - عددالردود : 1 - عددالزوار : 37 )           »          الجرائــــــــــــــد الســـــــــــــودانية اليوميــــــــــة والاخبار العالمية (اخر مشاركة : سيد حسنتو - عددالردود : 4197 - عددالزوار : 67456 )           »          الصحف الرياضية الصادرة صباح كل يوم (اخر مشاركة : سيد حسنتو - عددالردود : 658 - عددالزوار : 9747 )           »         
 

إضافة رد
 
أدوات الموضوع
قديم 01-09-2009, 01:19 PM   رقم المشاركة : 1

 

 

افتراضي دوبيت



دوبيت

نجد في شعر (الهمباته) الذي هو نوع من الدوبيت الخاص بقطاع الطريق في العهود الغابرة، جميع معاني الشعر، وأكثر ما كتبوه كان عن رحلاتهم الشاقة لنهب الإبل من بقاع السودان المختلفة، وفي ظني أن هؤلاء الهمباتة كانوا من العوامل التي ساعدت (جزئياً) في توحيد السودان بعض الشيء في زمان كان السودان فيه قارة لا وطن، وقد وحدتهم (ظروف عملهم) قبل أن تتوحد البلاد، فنجدهم إخوة تجمعهم الصداقة و(الخوة) رغم تباين مناطقهم الجغرافية، وفي ذلك يقول قائلهم ..



الخبر البيجي الصدِّيق مقفَّل جُوَّة
حالف ما بقيف دونو ان بقيت في هوَّة
عِنْ طرش الدرق ما بنسى شرط الخوَّة
كبّاس للدهم .. عند البقول : يا مروَّة

 

 

 

 

 

 

 

 

 

 


التوقيع :

   

رد مع اقتباس
قديم 21-06-2010, 12:20 PM   رقم المشاركة : 2

 

 

افتراضي مشاركة: دوبيت



ومن شعر الهمباتة نجد



يا يوسف أخوي نار الفويطرات وجّن
والعجب اللهيج سكر جنيد ومعجّن
سليمان أصلوا عارف عمرو كلو ملجّن
لكني خائف عليك من نظرتِّن لا تجن
************************
حرس المطامير البيصوي خلاهو
قول لي أب آمنه لازم أفهمك معناهو
ذل الحوجه كتير عند الرجال شفناهو
ما بليق بالفلس أنس المزرّق فاهو

 

 

 

 

 

 

 

 

 

 


التوقيع :

   

رد مع اقتباس
قديم 22-06-2010, 08:51 PM   رقم المشاركة : 3

 

 

افتراضي مشاركة: دوبيت


هلا دكتور شهاب نورت
ماقصرت تب خليتنا نعرف شئ عن شعر الهمباتة
وجدت الاتى عن شعر الهمباتة فى منتدى سودانى :

نشاءة هذا الشعر لا يستدل لها بتاريخ معين الا انها اذدهرت في الفترة التي كان فيها الطيب ود ضحوية وطه الضرير هما من تتناقل اخبارهم في كل ربوع السودان والهمبتة هي اخذ الشئ بالقوة عنوة وغصبا فهم يتغنون بما اخذوه واغتصبوه وهم لا ياخذون من الابل الا المحصنة وما يصعب اخذها
وهذه نمازج من اشعارهم
الزول البدور من البوادي ضريبة
يبقي موارك الغربه ويبعد الريبة
مايدني للهاملة البشوفا غريبة
الا السيدا في الدندر مسيلا زريبة
ويقول ود ضحوية
الولد البدور فوق القبيلة يشكر
يخلف ساقو فوق بلد العدو يتوكر
امن جاب رضوة البهم اللهيجو مسكر
واما اب صلعة فوق ضلاعو تيتل وكركر
وفي كرههم للعطالة وملازمة البيوت يقول قائلهم
ولدا يطبق المسري فوق المسري
يخلف ساقو فوق ضهر اب قوائم ويسري
حقب قربينو فوق جربانو خت اب كسرة
فرقا شتئ من ناس يمة ذيدي الكسرة
وهذا غيض من فيض ولكم جملة اشياء جميلة

 

 

 

 

 

 

 

 

 

 


التوقيع :
ام ريرى

سكوتى صعب تفسيره

   

رد مع اقتباس
قديم 06-07-2010, 12:58 PM   رقم المشاركة : 4

 

 

افتراضي مشاركة: دوبيت



قال أحدهم
وسـط الدارة نزلـن من قصورن
عامـن شوقـن قلبـي البـدورن
هج وضج في ود عينـي نـورن
وطابت روحي من نفحـة عطورن

قمر السبعتيـن قدلت حمـامـة
غطـت جملتن متـل الغمـامـة
محزوز جيدها فوق بانة قوامـه
مجروح ريدها وين يلقى السلامة

ساحت إيـدا في الخـد المبهرج
وعامت ديسها نام فوق المرجرج
صـورةً جهجهت قلبي المضـرج
وفـرع البانـة لعلع فينا كـربج


شالت إيـدا مـن صفحة جبينـا
ومالت ولعـت نـار الكميـنـة
ودارت شتـت شوق ليما فينـا
حليل الراحـة يا روحي الحزينة

حسدت التـوب على اللفة الهنية
وحاسد الروج على الرطب الجنية
وحاسد الحنة في قـدم البنـيـة
على النعمة وعلى الدرجة السنية

 

 

 

 

 

 

 

 

 

 


التوقيع :

   

رد مع اقتباس
قديم 06-07-2010, 02:42 PM   رقم المشاركة : 5

 

 

افتراضي مشاركة: دوبيت



جميل هذا البوست عزيزي دكتور شهاب يا مبدع .. قال محمد ود الرضي .
نحن عسلنا ما بمسخ بطول المده
نحن البجينا غريب علينا مبده
هينين لينين ما فينا حده وشده
نحن ود بتنا في الرجال عليه المده
نحن المحسنين العالمين تعرفنا
نحن رجال عمل نحن الكتير طارفنا
نحن الضاق عسلنا اصلو ما بفارقنا
والغلا ان تفحل نحن بيطردو جرفنا



 

 

 

 

 

 

 

 

 

 


التوقيع :
وغداً نعود حتماً نعود
للقرية الغناء للكوخ الموشح بالورود

   

رد مع اقتباس
قديم 09-07-2010, 02:49 AM   رقم المشاركة : 6

 

 

افتراضي مشاركة: دوبيت




قال أخر ؛

شكيت الصيدة كان شالت منامي
وهبّت جمرة الشوق في عضامي
عفيت الصيدة تسلم من كلامـي
براي بربحت تعذيبي وهيـامـي

حلـف بالله أنـا إن كُـت حليلـك
زي المتلي مـا ِبلمـح كحـيلـك
أغطـيك بالرموش في العين أشيلك
واخبيك فـي القليب نومـك مقيلك

 

 

 

 

 

 

 

 

 

 


التوقيع :

   

رد مع اقتباس
قديم 10-07-2010, 10:54 AM   رقم المشاركة : 7

 

 

افتراضي مشاركة: دوبيت


صباح الخيرات حبيبنا دكتور شهاب .. وقال آخر ..
دقيـت اليميـن انـو القمـر إتدلى
في نص النهار سارح يحوم في الحله
غيمت السما وشـرقت نجـوم تتجلى
وانبهرت عيون عاجـباها خـلقة الله

سبحان الخلق سواها واحده فريدا
وخلى الليل يجي وينزل ينوم فوق إيدا
والنجم انتظم عقداً جميل فوق جيدا
زي طفلاً وديع من نظرة بس بتريدا
في الذوق والجمال ما شفت اصلي نديدا

أزمعتي الرحيل قصدك تزيدي جروحي
يا ام خشماً تقيل بى حبي مابيا تبوحي
حبك في الفؤاد دايماً مشحتف روحي
وين القى الرقاد كان ناوية انتي تروحي

مطر الريد رشع وأنا وإنتي إترشينا
وإتشابينا فوق ضهر السحاب ومشينا
وشك قوس قزح يا السمحة يوم تغشينا
سارحين في الخصل وجوا العيون طشينا




 

 

 

 

 

 

 

 

 

 


التوقيع :
وغداً نعود حتماً نعود
للقرية الغناء للكوخ الموشح بالورود

   

رد مع اقتباس
قديم 11-07-2010, 02:05 AM   رقم المشاركة : 8

 

 

افتراضي مشاركة: دوبيت




اخي عبد الغفار تحية عطرة وهاك دي يلرائع


الشاعر الكبير القدال قال :

أماتي القبيل بي حنهن لجني
كرفة وقلده كيف شوق اللبن رجني
حزناً جاني في ميع الصبا يلجني
أطلع مني يا جلدي المنمل جني
وأطلع مني يا حزنا بقي مكجني

**************************************8
مريض
ليلين أمس و البارح لمن بي حسايساً عمت
ضربات قلب و كبداً بالغرام انسمت
لفحة قرمصيصا و روبتا الما انتمت
دخلن في معالق الروح بعد ماإنجمت

 

 

 

 

 

 

 

 

 

 


التوقيع :

   

رد مع اقتباس
قديم 11-07-2010, 11:05 AM   رقم المشاركة : 9

 

 

افتراضي مشاركة: دوبيت



صباحك زين دكتورنا شهاب ..
القدال شاعر جميل وكم أحب وأستمتع بقصائده وأدائه الرائع في إلقاء درره .
وقال آخر هذه الرائعة في أم العيال ..

انا لو بقيت غيمه سحاب
شايله المطر
صابه الخريف بعد الخريف
سايبه الارض جريانه سيل
لا عندو حد لاعندو قيف
وانا لو بقيت طول العمر
شمعات تقيد
فى كل ليل حتى الصباح
لا بتنطفى لابتنهمد
لا بتعرف الضو الرهيف
وانا لو بقيت نخل الشمال
كل الشمال
شايل الرطب وشايل التمر
كل التمر
البركاوى والقنديلا
والجاو البدفق فى الهفيف
وانا لو بقيت اعياد سنين
لامه الفرح كل الفرح
ضحكات كبار وبسمات صغار
ملمومه فى قلبا نضيف
مابقدر اوفيك القليل
وارد ليك بعض الجميل
شان انتى ضلنا ياوفاء
شان انتى حمالة الشقاء
شان انتى فى عز البرد
لامانا كلنا فى غطاء
زى ما الطيور بتلم جناها
تحت جناحا من المطر
وزى ماالجفون بتلم
عيونا من الخطر
وزى ما السماء حاضن النجوم
حاضن الكواكب والقمر
لامانا كلنا فى جسد
لافاهو بقطعة حرير
مكتوبة فيه حروف
صغار مابتنقرى
الإخلاص الفلق الناس
ومن شرحاسد كان حسد



 

 

 

 

 

 

 

 

 

 


التوقيع :
وغداً نعود حتماً نعود
للقرية الغناء للكوخ الموشح بالورود

   

رد مع اقتباس
قديم 12-07-2010, 12:48 PM   رقم المشاركة : 10

 

 

افتراضي مشاركة: دوبيت



صديقي عبد الغفار قصيدة رائعة مثلك فالنبحر سويا في سوق المسدار والدوبيت ولك مني قصة طه ورياالتي صاغ الشاعر والراوى المسرحى القامه أبراهيم العبادى خيوطها ونظمها لأن تكن روايه مسرحيه حقيقيه .



مشهد أول :



طه يفخر بنفسه ويحكي "لحبيبته " ريا عن حلم مفزع شاهده في منامه يخشى أن يتحول إلى واقع ...



طه:
أخوك يا ريّة أخوك وكت الخيول يدبكن
اخوك يا ريّة أخوك وكت الرماح يشبكن
أخوك جبل الثبات وقت القواسى يحبكن
كم بكيت وكــم قشيت دمـوع الببكن



رية
مايعجبا الكلام و تسأله بلهفة ...

ريّه:
وراك أسـود علىّ ... ما نمت أسـع طيب ؟



طه:
هه.. بسم الله قـــولى أخــوك طيب طيب
شديد وحاضـر ... وقلبوُ ماهـو مغـيب
إلا الشفتو فى النـوم من هوايلو يشيب



ويمضي طه ساردا تفاصيل الحلم ...



الزول فى الصُحا مخدوم عليهو شقاهو
وإن غمد شويه تجى الهموم لاحقــاهو
الصف أب لبوس أنا ما بخافو لقاهو
يا ريت الحلم فى صحاي كان بلقـاهو




كان خير ولاّ شر برجاهو ما بهـم بـالى
وحارسني الثبات من الكبـار قُبّـــالى
وكت حســع صحيت وشفتك قاعدة قِبَالى
إن إتلخبت الكـون تـانى مـانى مبـالى




(ريا تحاول التخفيف عنه ومحاولة القاء اللوم على "نومة العصر" ذات الهواجس .. )



ريّه:
كعب نوم النهار أمس العصير كت نايمه
رأيت قدام فريقنا اشوف صقـوراً حايمه
كبيرن غـار على من نـومي تبّيت قـايمه
صحيت مهجومه لا مفصل ولا في قايمه
(هنا يحس طه أن حلمه مشابه لحلم ريا ويتوجس خيفة )



طه:
إنتى كمان رأيتى صقور ؟ حكاية غريبة
علامة كافيه ظنيت الحكايه قريبه
هاك من الصحيح الما بتدخلو الريبه
هذي الحله بي عينىّ أشوف تخريبه



قالت رية :
تف الشينه ليه فاجعني ليه يا طه
انت الدغري وانت الكاشفه ياك غطاها
كان الدنيا هادي العقبة تتخطاها
ما بضلل سماها وما ابتشيلني وطاها




(هنا يعرض طه على ريا الذهاب إلى أرض المك نمر ... دار جعل .. خوفا من وقوع مكروه ... ريا هنا قعدت تبكي عندما عرض عليها الأمر )



طه:
ما بفيد البكى وكلامى احسن تنسي



ريّه:
كيف ما ببكى كيف افوت مراتع أُنسي
افقد كل شىء .. عزي .. ورجالي .. وأنسي
تطلق فوقى ناراً ... عقباً تقول لى أنسى ؟





يتبع

 

 

 

 

 

 

 

 

 

 


التوقيع :
آخر تعديل د . شهاب حمد يوم 12-07-2010 في 12:53 PM.

   

رد مع اقتباس
إضافة رد


يتصفح الموضوع حالياً : 1 (0 عضو و 1 زائر)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:22 AM.


جميع الحقوق محفوظة © لمركز أبو سليم للدراسات
تطوير شركة زول للإعلان